Logo

३० असार २०८१, शनिबार

काठमाडौं- प्रधानमन्त्री पुष्पकमल दाहाल ‘प्रचण्ड’ले आफूलाई मन्त्रीहरूले नटेरेको गुनासो गरेका छन् । प्रतिनिधिसभाको आजको बैठकमा सांसदहरूको प्रश्नको जवाफ दिँदै प्रधानमन्त्री प्रचण्डले सो गुनासो गरेका हुन् । आफूले भन्दाभन्दै पनि साना आयोजनाहरू मन्त्रीहरूले बजेटमा पारेको उनले बताए ।

उनले ३ करोड रुपैयाँभन्दा कमका आयोजना प्रदेश र स्थानीय तहमार्फत कार्यान्वयन गर्ने प्रतिबद्धता समेत जनाएका छन् । आजको बैठकमा सांसदहरूले बजेटमा ससाना आयोजना परेको विषयमा प्रश्न गरेका थिए । जवाफमा प्रधानमन्त्री प्रचण्डले भने, ‘चाहे जस्तो अझै हुन सकेन, यसको निम्ति हामी सबैले प्रयास गर्नु पर्ने हुन्छ ।’

‘माननीय मन्त्रीजीहरूले पनि योजना निर्माण गर्दा, कार्यक्रम बनाउँदा सरकारले बनाएको ९निर्देशिका०, प्रधानमन्त्रीकै निर्देशनलाई जति गम्भीरतापूर्वक लिनुपर्ने हो,’ उनले अगाडि भने, ‘भन्दा भन्दै पनि साना आयोजना राखिएको छ ।’

जे भएको छ, ठीक भएको छ भन्ने पक्षमा आफू नभएको भन्दै उनले परिमार्जन आवश्यक रहेको बताए । उनले अगाडि भने, ‘प्रयास जारी छ, साना आयोजनाहरू संघले कार्यान्वयन गर्दैन, प्रदेश र स्थानीय तहलाई कार्यान्वयन गर्न दिने व्यवस्था गरिन्छ ।’

प्रकाशित मिति: ७ असार २०८१, बिहिबार

Leave a Reply

Your email address will not be published. Required fields are marked *